請敎見習輪機員問題

你好呀各位前輩們
我已經26歳了但因為喜歡機械又好想到世界其他地方見下世面
但本身左右眼都有成四百幾度近視，想以見習輪機員身份行船
所以我在2010報讀左VTC既中專機械工程文憑(中五),聽說如果說要成為海事工程師(MarineEngineer)，在香港，可先讀（最低要求是）機械工程文憑，然後到海事訓練學院，考取國際海事組織(InternationalMaritimeOrganisation，聯合國下的國際海事組織)所要求，所有海員必修考取的安全証書（共四張包括海上急救、消防、個人求生、逃生船隻操作技作，証書課程已包括在海事科技文憑學員課程之內）後，便可成為見習海事工程師(Engine Cadet Engineer，英制)。

但不肯定所說的文憑是=IVE高級文憑的第一年的文憑還是整個高級文憑??
另外像我這樣大年紀的是否很難有船公司請為見習船員的
基於以上理由我有打算申請去聯合船塢做STEEL WORK的技術員學徒,並同時讀青衣IVE的夜間兼讀制機械高級文憑
http://www.hud.com.hk/en/career/job_vancancy.pdf
若果有維修船隻經驗加上有機械的高級文憑會唔會易D但同時就要成30歳先可以入行
以你們有經驗的睇法我應否放棄呢??

有牌公司又欠缺人手就會請你
諗咁多無用

準備好自己先真

多謝博士的指點
但請恕本人魯鈍前輩所說的有牌
是指:電工牌/機械高級文憑/維修船隻經驗???還是指註冊海員證

如果不是註冊海員但有以上維修的牌而佢又欠人手是否可以例外上船工作

見到你之前個POST, I AM SORRY FOR YOU
希望你以後身體健康啦博士

我講果幾個牌係

首先你有果個　機械工程文憑

另外係
First Aid at Sea
個人求生技能
消防＋高級消防
救生艇

以及　紅薄


咁船公司請你做輪機見習生機會好大的

多謝博士你耐心的解答
咁--First Aid at Sea
個人求生技能
消防＋高級消防
救生艇
以及　紅薄
係咪只要完成廿三週初級海員課就可以攞到??

仲有你係咪現職海員??

多謝博士你耐心的解答
咁--First Aid at Sea
個人求生技能
消防＋高級消防
救生艇
以及　紅薄
係咪只要完成廿三週初級海員課就可以攞到??

仲有你係咪現職海員??

其實你可以不用讀廿三週初級海員課, 因為有些船公司不用你有紅簿都可以, 你可以先打去船公司問一下.可否由公司幫你攞紅簿.
p.s. 個人意見, 有時間, 有青春, 都係讀一讀會好d囉~ 另外都要再考海上安全卡(藍卡)

你好呀浪生多謝你的意見
但我已26歳了若再讀三年高級文憑才做見習輪機員真的還有船公司請問了嗎??
請不要介意我一再問這個問題,我不是不信兩位的答覆
只是我對自己沒信心

浪生叫你讀既係23星期GP．．．
即係半年既全能水手．．．

讀左就好D．．．
因為讀完就有紅薄，
重有埋果４個牌仔．．．
First Aid at Sea
Fire Fighting
PST
Life Boats
去做咩船都得．．．

如果你有埋你輪機既野．．．
應該可以上船做輪機見習生．．．

前途幾好的．．．



明無．．．

SORRY浪生誤會左你既意思
但係我未學過輪機的知識
係23週度學唔學到??

你唔係讀過中專機械工程文憑咩？
不如你講下你個課程教過咩？

GP二十三星期入面有七星期基礎輪機知識
其實都唔基礎，夠考三俥。

我個課程敎左好基本鉗工,做白鐵工件,機電科用手工具好似做模型咁做出組合工件後加少少機械運作用的程式(PLC)來使它運作,用機床(如車床、銑床,電腦車及銑床),基礎手繪圖同電腦繪圖AUTOCAM,MASTERCAM
又有水喉接合不過因為係一年課程(實際十個月)再上中英數物理電學(中五加少少中六知識程度)
同少少工程物料化學性質,又有職安健堂因為時間所限所以好多野都只係敎到皮毛
但就完全無實際上接觸過一D大型引擎,如果要學引擎的維修在第三個學期就要揀唔攞DVS(中專敎育文憑可以直升高級文憑所以第三個學期全是中英數)而唔讀中英數就要揀DVE係技工證書主要學維修既野可以學引擎但不能直升HD

咁我勸你直升HD
唔好玩引擎

因為GP 23星期都有得拆引擎
活塞，連桿，
四衝程，二衝程等（但唔包轉子引擎 Mazda rx-7 fc3s）

船用二衝程或四衝程引擎轉速比較慢但扭力高輸出力大

以前蒸氣煱爐轉先會過萬或過千
但要用慢速齒輪減左速先可以比螺旋槳動力用

而家船用引擎一般轉速得過百r.p.m.
已經足夠暢遊世界，包括巴拿馬級貨船




可能你想問，點解咁慢？

地面速度快，可以有得收油，極力子，低波，煞車，用幾秒間就能停下。

但船在水上面，沒有煞車的，螺旋槳只能順時針或逆時針，
但都不能用來慢速的．．．

船是沒有煞車減速的方法．．．

船速度不能太快，太快，就好似飛機撞到一隻鳥咁，會撞沉的



似乎你的文憑對於船上沒有太大作用．．．

你還是讀23 星期GP　讀一下　基礎輪機
然後上船做水手，慢慢進入機房吧．．．

或者打電話去MSTI
問問陸SIR，
因為青衣IVE好似有個轉係讀輪機既課程

專係比行船既機房用
畢業可以上船做機房見習生

即係因為船速太快而海面磨擦力太小導致與海面接觸的位置集中於一點??
所以反而要用較慢的船速使船能平衡地使船底與海面接觸
一方面可以借助最大磨擦力來平衡船身另一方面因此產生最佳反作用力來作動力推動船隻??

咁做輪幾員會唔會做埋電力的維修??
船上會唔會有屋宇裝備的工程人員??

你係咪都係讀緊HD海事科技,定係已經係大學度讀緊海事既課程??

船身同水面磨擦力有幾大呀...
阻力就有...
磨擦力好低...


想停船唯有靠船Stop Engine後...
船速同慣性同水既張力阻力抵消...


開後車只能夠有少少幫助...
例如泊岸時, 後車可以有幫助...


但對於海上有事故要避船而急停...
開後車是沒有幫助的...

讀HDMS可以有低分低能人
讀GP可以有高分高能人
讀過大學唔代表一定叻過人

我個名雖然叫博士
但我只係一個普通人

老實講
GP：General Propose　如果係掂既　一樣可以升Officer
HDMS：Cadet　如果廢既　一樣無得升Officer

從事海事工作
是看牌照的，不是看你有沒有PhD（博士）

你有PhD但無紅薄無四個牌仔，一樣無得落船，連水手都無得你做
呢個就係海事法例！




By the way我只係一個GP仔～

多謝你的敎導
SORRY,我只是想知道你是否讀緊航海科
沒有意思去乏低或抬高學歷上的不同的人
我也很同意高學歷可以是白痴,
學歷只不過是一張紙,只不過代表你有機會學到一些東西
唔代你可以學以致用,相反只要你係叻的人
即使沒讀過或未見過要用的東西你也能無師自通甚至舉一反三

揸船同車係好唔同的, 跟本是兩馬子的事, 船在海上行駛, 在沒有動力底下, 只會隨波逐流, 有動力下, 都不是說停就停, 說轉就轉~ 加上浪及水流, 風向都有好大的影響

讀23週gp課程, 都可以令你有船的機房基礎概念, 可算是一個入行的方法. 之後就要靠自己進修了~

未讀過係唔可能舉一反三的，哈．．．！



我地讀緊全能水手，
都係航海相關課程，

海事訓練學院另有專門為甲板而設的HDMS，
海事科技高級文憑（三年制，未來會轉兩年制）

課程內容係有關於船隻甲板更詳細更豐富的知識，
畢業後，可以入職　甲板見習生
高級過水手少少，即係起跑線不同

但殊途同歸
水手同甲板見習生將來考牌考既野一樣





其實航海係幾冷門科目



其實船　係一個小城市

有造水機，化糞池，Steam Boiler，Engine，Air Compressor，各類型管道，
消防設備，冷氣暖氣，飯堂，大雪櫃，醫療室，

如果你想做船上既俥人（維修工程師），係咩都要整。





只係香港一個咁GAP既城市先要人人大學畢業咁傻～

好彩行船唔使大學畢業，
中三中五已經得啦．．．

明白兩位的意見
我會努力的